Animu è anima di a lingua corsa

Hè quant’hè chì Ghjuvan Ghjaseppu Franchi difendi è llustra u so credu in quantu à u corsu : a lingua teni u so geniu propiu. Veni à dì un spiritu sputicu soiu chì l’annoda, a salda o l’appiccia à tuttu l’ambienti di i so cunnutazioni. In più di 250 pagini di u so libru Mythologies d’une langue, GG Franchi ci arreca una somma trimenda chì nutrisci u corsu tradiziunali. Vali quì a pricisioni chì l’autori voli trattà u vernaculu. U so corpus và à ciuttà in i pruverbii, i ditti, l’affurismi chì entrini, sicondu iddu, tutti quanti inde « u mazzulu di i sprissioni cunsacrati ». Ci si pò aghjunghja tuttu l’ambiu pueticu tradiziunali (vociari, legendariu,…) chì fonda l’imaginariu cullettivu.