Trà ricerca, puesia è identitàl’incantu di a Tupunimia Corsa

A tupunimia corsa hè un tarrenu di ricerca pluridisciplinari di primura pà leghja i paisaghji linguistichi. U studiu di i nomi propri ci dà unipochi di chjavi pà capiscia l’aspetti storichi culturali è geugrafichi com’è u cambiamentu linguisticu, l’antrupizazioni o i tradizioni. Da u latu di l’elaburazioni linguistica, a tupunimia diventa u teatru di i dibattiti nantu à a salvezza è a sparghjera di a lingua corsa. A scelta trà i nomi corsi tradiziunali è i formi ufficiali (tuscanizati o francesi), sò simbulucci di i sfidi liati à l’identità linguistica è culturali di l’isula. I nomi di lochi è u so studiu aiutani i pulitichi d’assestu è d’accunciamentu di u tarritoriu, chì infatti ani implicazioni pratichi in a pianificazioni citadina, campagnola è paisana. Nant’à u versu di a criazioni artistica, literaria è audiovisiva, i nomi di lochi corsi annacquani a puesia, a narrazioni è l’imaginariu cullettivu. Tandu, a tupunimia ùn hè solu una classifica di nomi geugrafichi, hè un ughjettu di studiu chì ci dici di l’intrecci trà lingua, cultura è criazioni.