Un Aria di Famiglia

D’après Jean-Pierre Bacri et Agnès Jaoui

A famiglia Mesnard s’addunisce ogni settimana, u vennari, in u caffè « U farniente » tinutu da Henri, u figliolu primunatu. Sta volta, si ritrovanu custì per andà à fistighjà à l’osteria i 35 anni di Yoyo, a moglia appena simpliciotta di Philippe u sicondu figliolu. Mentre ch’elli aspettanu indrentu à Arlette, à sposa d’Henri chì si n’hè scappata ind’è un’amica per riflette, i piccoli capatoghji di Philippe, sottu sottu direttore in una sucetà d’infurmatica, piglianu subitu a suprana è u capu à tutta a famiglia.

Betty, a figliola, libera, sfacciata è briacona, si tene à l’appiattu incù Denis u barman. A mamma, scorta è innagrita, vole cummandà à tutti, fora di Philippe u so figliolu predilettu. Tandu schjatteranu tutti i rimprovari piatti da tant’anni. Di sta crisa di famiglia nascerà, forse, un’antra manera d’esse è di campà inseme.