U parulaghju paroli persi è scunnisciuti di a lingua corsa

L’avaremu compia a racolta di u tisoru di a lingua corsa ? In fatti, sapemu oghji chì hè quissa un’ uparata di long’andà è chì forsa ùn finirà mai. In a longa storia di a lingua corsa è cinquant’anni di riacquistu, semu quantunqua à u capu di una divizia di dizziunarii, lessichi, racolti di pruverbii, di spressioni idiomatichi, d’affurismi, ecc. In tantu Paulu Desanti si hè inchjuccatu à cunsignà ugni parola chì li paria ùn essa apparsa mai in a bibbiugrafia sparta. Paroli chjappi cusì in un scornu di chjachjarata trà paisani, paroli di mistieri, d’usi tradiziunali, di sapè fà urtulani o casani.

Via, Paulu Desanti, da sintinedda di a lingua, sti paroli nustrali tutti, ùn hà vulsutu lascialli smimurià.

https://youtu.be/nu0MzCnEcMU