Spassighjata in E Preziose Ridicule

Perchè à Molière è e Preziose ? È cumu traducela oghje in Corsica ? Perchè quand’omu dumandava « chì ci hè di novu ? », li si rispundia « Molière ! ». Si tratterà di a sucetà di cunsume, omu ùn compra più ciò chì ghjova ma ciò chì ghjè à a moda. A vita hè solu occasione di muntassi appena a sega... Ma chì ci vene à fà Molière quì ? È bè, s’ellu era sempre vivu, parlerebbe di muneta, di u soprappiù è altri Spritz cù u cap corse è a bierra cun l’erbette nustrale, senza scurdassi di a mudernisazione di u corsu. Si parte da « Les Précieuses ridicules », ma cunniscite u Teatrinu, si permette di ghjucassi cun l’opera di u dramatistu fendusi un girettu in l’altre opere di Molière... è à botte !