Studià | Le portail étudiant de l'Université de Corse

Studià à l'Università di Corsica

8 cumpunenti, 4 duminii di furmazioni, più di 100 diploma : pruponi l'Università di Corsica una scelta larga di furmazioni in cuerenza incù i settori d’attività prufissiunali.

Pà apra a via di a riescita è di l'inserzioni à i so 4500 studianti, l'Università di Corsica s'hè data i mezi à prupiziu tali una ufferta di furmazioni diversificata, scumpartuta in 4 duminii maiori fundamentali (Drittu-Ecunumia-Ghjistioni, Arti-Lettari-Lingui, Scenzi Umani è Suciali, Scenzi-Tecnulugii-Saluta-STAPS), incù dinò insignamenta di prima trinca com’è a prima annata di Midicina o una Scola d'ingegneri.

L’Università di Corsica faci parti di i più boni università francesi pà ciò chì tocca à u parcintuali di riescita in licenza. Un studiu di u 2014 rializatu da u Ministeru di l’Insignamentu Superiori è di a Ricerca a classifichighja 6esta à nantu à 77 università pà a riescita in licenza in 3 anni, frà i studianti chì sò firmati in u stessu stabilimentu duranti i 3 anni. Unu di i punti chì pò spiigà stu risultatu bonu hè a dimensioni umana di i so effettivi chì parmetti un raportu privilighjatu trà studianti è insignanti.

Incù un parcintuali d'inquadramentu frà i più boni di Francia, l'Università di Corsica mischja a vicinanza è a pluridisciplinarità à a riescita è l'eccellenza. Intruta in una vera dimarchja di qualità è di migliuramentu cuntinuu di i so furmazioni, porghji l'Università di modu sistematicu à i studianti quistiunarii di valutazioni di i so insignamenta, è cunsiglia di perfezziunamentu pà favurizà i leii incù u mondu prufissiunali.

L'Università di Corsica hà missu in anda dispusitivi d'aiutu à a riescita di i studianti : ghjurnati d'accolta di i studianti novi, tuturatu pedagogicu, moduli di prufissiunalizazioni, cuntrollu cuntinuu, ambiu numericu di travaddu è cursi in linia, riurientazioni è ponti trà filieri, certificazioni in lingui è in infurmatica.

L'intaressu cuntinuu di l'inserzioni di i studianti s’arrimba à nantu à furmazioni incù un cuntinutu prufissiunalizanti forti chì avviani versu mistieri silizziunati, in cuerenza incù i prublematichi maiò di u sviluppu di u tarritoriu : numericu, drittu, audiuvisivu è cumunicazioni, ecunumia è ghjistioni di i impresi, ingegneria di l'ambienti è di l’energii rinnuvevuli, turisimu sustinevuli, geniu civili, saluta...

Page mise à jour le // par
Furmazioni è vita studiantina