Studià | Le portail étudiant de l'Université de Corse

Prisintazioni

Fundata in u 1765 è riaparta in u 1981, hè l'Università di Corsica un stabilimentu pluridisciplinari chì pruponi una scelta larga di studii incù più di 100 diploma rimissi da 8 facultà, istituti è scoli. Disponi di una identità scentifica propiu lighjitoghja, chì s’articulighja intornu à 8 prughjetta pluridisciplinari labellizati da u CNRS è hà stabilitu partinariati solidi incù l’urganisimi maiori di ricerca (CNRS, INRA, INSERM, CEA).

L’Università s’hè avviata mondi versu l'internaziunali. Hà propiu a vulintà d’incuraghjiscia i so studianti à sviluppà una vera cultura di a mubilità, è accoddi à nantu à i so campus curtinesi più di 300 studianti, chì raprisentani più di cinquanta naziunalità. Hè liata l'Università di Corsica par via di diversi prugramma di scambii à più di 150 istituzioni, è s'insirisci in un Associu Ricerca è Cuuparazioni Auro-Meditarranea custituitu da l’Università di Ghjenuva, Nizza Sophia Antipolis, Parighji VI, Pisa, Tulò è Turinu. Hà ancu criatu a Reta d'Eccellenza di i Tarritorii Isulani (RETI), chì raggruppa par avà 26 università.

Pà apra a via di a riescita è di l'inserzioni à i so 4500 studianti, l'Università di Corsica s'hè data i mezi à prupiziu tali una ufferta di furmazioni diversificata, scumpartuta in 4 duminii maiori fundamentali (Drittu-Ecunumia-Ghjistioni, Arti-Lettari-Lingui, Scenzi Umani è Suciali, Scenzi-Tecnulugii-Saluta-STAPS), incù dinò insignamenta di prima trinca com’è a prima annata di Midicina o una Scola d'ingegneri.

L’Università di Corsica faci parti di i più boni università francesi pà ciò chì tocca à u parcintuali di riescita in licenza. Un studiu di u 2014 rializatu da u Ministeru di l’Insignamentu Superiori è di a Ricerca a classifichighja 6esta à nantu à 77 università pà a riescita in licenza in 3 anni, frà i studianti chì sò firmati in u stessu stabilimentu duranti i 3 anni. Unu di i punti chì pò spiigà stu risultatu bonu hè a dimensioni umana di i so effettivi chì parmetti un raportu privilighjatu trà studianti è insignanti.


L'intaressu cuntinuu di l'inserzioni di i studianti s’arrimba à nantu à furmazioni incù un cuntinutu prufissiunalizanti forti chì avviani versu mistieri silizziunati in cuerenza incù i prublematichi maiò di u sviluppu di u tarritoriu : numericu, drittu, audiuvisivu è cumunicazioni, ecunumia è ghjistioni di i impresi, ingegneria di l'ambienti è di l’energii rinnuvevuli, turisimu sustinevuli, geniu civili, saluta.

Page mise à jour le // par
Prisintazioni