A scrittura in corsu è in francese, Marie Susini

À sente dì, l’opera di Marie Susini purtava a stampa di a so predistinazione isulana. Ma sarà stata propiu isulana Marie Susini ? Feminista, hè sicura ch’ella hà marcatu u vintesimu seculu cù a variatezza è l’uriginalità di a so pruduzzione literaria. Ma ci vole puru à ricurdà si chì, da ricunnosce si prima d’esse stata ricunnisciuta, li si paria di obligu di scappà, ma senza cappià ! Primurosa d’allargà l’orizonte soiu, rompe o allenà e stanghe di a tradizione, di a miseria, di i castighi.... A chjusura isulana, issa vanguardista, tantu più inacerbita ch’ella hè femina, laca a so Itaca nativa, a Corsica. Una partenza scelta, ma di a Corsica ùn si ne hè mai spiccata. Nè di core, nè di mente. Nè d’estru literariu...