Scuperta

A serata Scuperta hè una stonda musicale per scopre i talenti musicali novi di l’attelli di u Centru Culturale di l’Università ! U scopu hè doppiu : in prima si tratta di mette in lume i giovani chì principianu, ma dinò, di porghje li una scena incù mezi tecnichi ch’elli ùn anu di regula. Durante tutta a serata, a scena s’aprerà à parechji gruppi, canterini, musicanti… Ghjè per voi l’uccasione di scuntrà sti giovani talenti isulani di dumane. Una stonda per tutti i gusti è ricca di surprese ch’ùn si pò mancà !