#JACES2023 Diana di l'alba

CANTI CORSI

Crédit photo : Raphaël Poletti

A Diana di l’Alba… a « Ghjanna » di l’Alba chì apre è chjode e cunfine di a notte, a Stella Matuttina chì guida i passi di l’anticu pastore, Vennere chì affascineghja u pueta… In giru à issu nome è à issa simbolica, nasce u gruppu di Diana di l’Alba in u 1978.

Furmazione musicale famosa assai è piaciuta da i culori ch’ella sumineghji, Diana di l’Alba hà giratu a Corsica sana, da Cismonte à Pumonte. Ma dinù a Francia, u Paese Bascu, a Brittania, l’Italia, a Sardegna, l’Irlanda, u Maroccu, a Grecia, a Svizzera.

Dopu più di vint’anni di musica, u gruppu seguita u so chjassu. Da u mazzeru chì si lamenta à u tilaghju di e fate, u so ultimu dischettu « A ghjanna di l’Incantu », ci face scopre un mondu magicu, induve campanu e tradizione è l’imaginariu insulare… Trà sogni è realità.