[REPORTÉ] Scuperta

Stu appuntamentu pari un obligu di a prugramazione musicale. Una serata induve si scoprenu talenti novi ! U scopu hè à tempu di mette in lume cantarini è musicanti chì principianu è di porghje li una scena incù mezi tecnichi ch’elli ùn anu micca di regula. Ghjè per voi l’uccasione di scuntrà sti talenti isulani. A scena s’aprerà à parechji gruppi o cantarini incù dinù a participazione di l’attelli di u Centru Culturale Universitariu (Cantu corsu, ghitarra…). Una stonda sempre ricca di surpresa è ch’ùn si pò mancà !