Vattelapesca cuntempuraneu ?

Chì pensà d’issa dumanda è d’issu cugnome? Face spuntà l’ombra di Bastia ma u ricordu di u dramaturgu stà imprecisu. L’opera diviziosa è prezzata assai in u so tempu, ferma oghje pocu cunnisciuta. Ma tandu perchè cuntempuraneu ? Perchè chì saria di u so tempu ma cun distanza? È u so dì sempre attuale. U teatru di Vattelapesca ùn hè solu cumedia di usi cum’ellu si dice. Ùn hè solu pittura ridicula di persunaghji stereutippati. Interrugheghja e reazzione di a ghjente in e situazione prublematiche chì l’autore custruisce, di pettu à l’inciampi ch’ella mette a vita. Una vita chì « hè cum’è una frasa senza punti nè virgule, è ùn sapemu duve firmà ci », cusì scrisse Vattelapesca.