Battì

Battì o Santu Carlu Battista Manfruelli hè appassiunatu di maghjine da ch’ellu hè zitellu. Scopre à Grossu Minutu à casu un ghjornu ind’è u giurnale « le Provençal » di u babbu è tira avanti … Ùn farà puru studii d’arte ma d’inglese ch’ellu insegna oghje.

I primi « cartoons » di Battì sò publicati in a stampa isulana in u 1975.

Artistu indiatu è attore di u muvimentu culturale di l’anni 70 sparte dinù un tempu a scena cun Canta u Populu Corsu.

Battì a li prova ind’è e forme figurative e più diverse : Stucci di dischi, affissi, stampa…

A dà a parolla à i so persunagi hè ellu. Ci hè risa, macagna , derisione ind’è u mondu di Battì chì si sciacca l’attualità in quattru è trè sette cù a so mina.

Oramai cunnisciutu for di Corsica ind’è u mondu di u disegnu di stampa ,.Battì participeghja ogni annu à parechji festivali .

Cù l’amichi tavaninchi mette in piazza u festivale « Cartoons in Tavagna »in u 1999 di paru à quellu di musica « settembrinu di Tavagna » (1993)

Battì hè l’autore di cinque libri :

> Pagine bianche è nere : 1990/Albiana

> U setta bellu : 1995/Albiana

> Siècles : 2000/N eo

> Corsicartoons : 2002/ Neo

> Reflexions : disegni di quì è d’altrò 2009 /Neo :Stamparia Sammarcelli

L’artistu hà dinù scultatu qualchì persunagiu :
> Grossu minutu

> Nasone

> Cartoons in Tavagna