L'Acqua hè propiu torbida

« I puttachji di L’Acquatorbida » ammenta a crisa di a rumenzula in Corsica è e ripercussione nantu à i media è e rete suciale. Porghje un’altra occasione di elaburà un’azzione di ragiunata satirica in quantu à issa quistione. Nantu à u tema principale venenu à appiccià si ci participazione di un gruppu di studianti curtinesi interessati da a spressione dramatica è indiati à sprime si in lingua corsa. Furmati è diretti da l’animatore di teatru pruponenu a so participazione à l’elaburazione di u spettaculu chì aghjunghje una o parechje scene à u scenariu principale. L’idea hè di permette l’accessu à a spressione teatrale da studianti chì saranu rimarcati capaci à pudè la purtà, ma chì ùn l’anu mai pruvata. Si metteranu pè issa occasione in cuntattu di ghjocu cù una spressione cunfirmata (P.Gattaceca)