Ghjaseppu Maria Bonavita in a literatura corsa

Ghjaseppu Maria Bonavita, hè l’autore di a racolta U Pane Azimu, publicata in 1968. L’opera hè assai prezzata è studiata da u principiu è l’autore tene ellu una presenza nsingulare in a storia di e lettere corse, marcata da una certa discrezione. Pupilla di a Nazione, amicu di liceu di Ignaziu Colombani è d’Anton Francescu Filippini, agregatu di talianu, diplumatu, Bonavita hè assai arradicatu in u so paese d’Urtaca induve hè natu in u 1908. Arrimbendusi nantu à ducumenti inediti, Geniu Gherardi appronta un’ edizione critica di l’opera literaria di st’autore è ci arreca cusì una cunniscenza arricchita di stu cuntestu di « Mantenimentu ».