Cuscenza

Cuscenza hè un giovanu gruppu corsu chì, cum’ella ci mostra u so nome, si scrive ind’a seguita di a leva di u Riacquistu. Sò gruppi chì a Corsica produce dapoi l’anni settanta. Sti giovani sò passiunati da canzone corse, da u cantu è a musica, da a tradizione. Volenu, elli dinù, purtà a so petra à l’altare. Issu gruppu hè cumpostu di 14 membri : Marcu Lisandru Benetti ; Simon'paulu Ferrandi ; Mighe Forte ; Ghjuvan-Lavighju Ghiddi ; Francescu Andria Luccioni ; Lisandru Luciani ; Ghjuvan Dumenicu Poli ; Martinu Squarcini ; Battistu Capai ; Marc'antone Mucchielli ; Tumasgiu Pellegrini è Tumasgiu Pomella-Bouchet. Stu spettaculu serà dunque l’uccasione per quelli chì ùn li cunnoscenu, di scopre e so creazione è u so primu dischettu, « Da francà u mali », purtatu à nantu à parechje tematiche, frà quesse l’arradichera à a so terra.