ANNULÉ - Cuntrastu trà dui sapè, medicale è antrupulogicu, in giru à l'omu

U Centru culturale si dà quì una doppia sfida : mette in cuntrastu temi di sucetà partendu da anguli scentifichi sfarenti è arricà a dimustrazione ch’ella si pò fà in corsu. À traversu un dialogu trà u Dr. Paulu Venturini, medicu, è a Pr. Dumenica Verdoni, antropologa, induve ognunu circherà à interrugà u sapè di l'altru, si tratterà d'identificà unepoche risposte date da l'Antrupulugia o da a Medicina à quistione fundive cum'è a morte, a malatia, u raportu à a persona fisica... è tante altre.