Cantu zitellinu in Corti

In u quatru di u Riacquistu, a canzona zitellina hà trovu una piazza particulare. Scrive per i zitelli, scrive cù i zitelli porta una respunsabilità cù scopi specifichi. À a fine di l’anni settanta, sò nate « E cardelline di Corti », gruppu di zitelli liati à l'associu « A rinascita di u vechju Corti » à l’epica di quelli detti « Foyers Ruraux ». L’associu « À veghja » vi prupone una fidighjata di u cantu zitellinu à partesi da a nascita di E Cardelline incù ritratti è filmi d’archivi. Parechji gruppi di zitelli di e scole bislingue di u rughjone veneranu à cantà. Ci seranu dinù cantadori maiò chì a s'anu pruvata à u cantu zitellescu. È si cumpierà cù una surpresa tamanta.